Në kuadër të Festivalit Teatror “Skampa 2024”, në sallën e bibliotekës u promovua libri “Brezi i artë i aktrimit” i mjeshtrit dhe njëherazi drejtuesit të parë të teatrit “SKAMPA”, z. Miho Gjini. Ky libër paraqet 25 figura-portrete artistë të teatrit e filmit shqiptar që, siç thotë Miho “…krijuan risi me “Brezin e dytë”, pasi e bënë të njohur vendin tonë në të gjithë botën përmes vlerave artistike të interpretimit, me natyrësi e madhështi bashkë, po edhe me temperamentin, koloritin e bukurinë e trashëguar nga “trungu mëmë” i Teatrit Kombëtar”.