PETER HANDKE (6 dhjetor 1942) romancier, dramaturg, përkthyes, poet, regjisor dhe skenarist austriak. U nderua me Çmimin Nobel në Letërsi në 2019, me motivacionin “për një vepër me ndikim që me zgjuarsi gjuhësore ka eksploruar skajet dhe specifikat e përvojës njerëzore” edhe pse para marrjes së çmimit vendimi për t’i dhënë atij një çmim Nobel u debatua ndërkombëtarisht nga një sërë intelektualësh, shkrimtarësh dhe gazetarësh publikë dhe akademikë. Ai konsiderohet si një nga shkrimtarët më me ndikim dhe më origjinalë në gjuhën gjermane në gjysmën e dytë të shekullit të 20-të.
ELFRIEDE JELINEK (20 tetor 1946) dramaturge dhe romanciere. Ajo është një nga autoret më të dekoruara që shkruan sot në gjermanisht. Në vitin 2004, fitoi Çmimin Nobel në letërsi me motivacionin “rrjedha muzikore e zërave dhe kundërzërave në romane dhe drama që, me zell të jashtëzakonshëm gjuhësor, zbulojnë absurditetin e klisheve të shoqërisë dhe fuqinë e tyre nënshtruese”. Shkrimet e Jelinek janë shumëplanëshe dhe shumë të diskutueshme. Seksualiteti femëror, abuzimi seksual dhe beteja e gjinive në përgjithësi janë tema të spikatura në punën e saj. Librat e saj shfaqin brutalitetin dhe lojën e pushtetit në marrëdhëniet njerëzore në një stil që, nganjëherë, është ironikisht formal dhe i kontrolluar fort. Sipas Jelinek, fuqia dhe agresioni janë shpesh forcat kryesore lëvizëse të marrëdhënieve.
Çdo vit në Tiranë, por dhe me shtrirje në qytete të ndryshme të Shqipërisë, me nismën e Ministrisë së Turizmit, Kulturës dhe Sportit: “Shqipëria mikpret botën”, zhvillohen aktivitete në kuadër të Javës Kulturore Austriake. Këtë vit, kjo javë është përcaktuar në periudhën 28-31 tetor 2025.
https://www.instagram.com/p/DQHuOYbjftE/?img_index=1