Një poezi – dedikim nga Musa Vyshka:
Milianov Kallupit
…por ti më pate thënë që nuk do ikësh
Dhe s’di se si, vëlla, ma hëngre fjalën.
Një tufë kumurish si varg lirikësh
Te dera e hajkut fluturimin ndalën.
Por …dera e hajkut nuk po hapej më
Përmbi kala mjerimi kujën nxorri
Dhe ne kujtuam që ti i lodhur flë
Dhe s’vumë re kur qielli lart të mori …
Dhe prapë kujtojmë: je lodhur e po flë
Askush s’beson që nuk do kthehesh më.
Por ti më pate thënë që nuk do ikësh.
Korrik, 2013