“Jolabokaflod” – është një traditë në kulturën islandeze që përkthehet “vërshimi i librave në Krishtlindje”.
Jolabokaflod filloi gjatë Luftës së Dytë Botërore, kohë kur letra ishte një nga gjërat e pakta që nuk racionalizohej, islandezët dhuruan libra në vigjilje të Krishtlindjes, duke e kthyer këtë akt si simbol të kësaj nate të magjishme.
“Kultura e dhurimit të librave është shumë e rrënjosur në mënyrën se si familjet perceptojnë festën e Krishtlindjes. Pasi të gjitha dhuratat janë hapur, familjarët marrin një filxhan çokollatë të nxehtë dhe e kalojnë pjesën tjetër të mbrëmjes duke lexuar librat e tyre”.